ROTEIRRIOS 2010. 13-14 MACIZO CENTRAL OURENSÁ

O LIC Macizo Central, ocupa unha superficie de 46.983 Ha, a zona acolle un dos cumios mais altos do país Cabeza de Manzaneda con 1780m. Trátase dun conxunto de serras montañosas, nas que destacan os pasteiros de alta montaña e onde debido a sua baixa densidade de poboción, nos achegaremos a unha natureza espectacular vixiados polo lobo, o bufo e a aguía real.

Nos percorridos desfrutaremos de dous ríos da alta montaña ourensá, coas suas peculiaridades, aguas frias e cristalinas onde descubriremos un tipo de ranúnculo propio destes ríos (Ranunculion fluitantis). Entre as especies ligadas aos ríos destaca o auguaneiro e a rá patilonda, fauna que gosta de ríos de augas limpas e osixenadas. Dos reptis é de destacar o lagarto das silvas, tamén asociado aos cursos de auga, que poderemos descubrir tomando o sol nos valados durante todo o camino. Este espazo alberga tamén unha vexeación única en Galiza como a xanzá, o afroixón ou o esfagno, e nel habita o musgaño.

Programa

Sábado
08:00 Saída de Compostela
10.00 Café en Manzaneda: Bar Pendón.
11.00 Saída de Requeixo
14.00 Xantar no pobo abandoado de Prada
16.00 Visita por Prada, os regos e os arredores
17.00 Volta cara Requeixo
20.00 Instalámonos no Albergue de Montederramo
21.00 Cea en Montederramo
24.00 Paseo nocturno

Domingo
09.30 Almorzo
10.00 Visita ao Mosteiro de Montederramo
11.00 Saída da Mogainza cara ao alto de San Mamede nacemento do Mao
14.00 Xantar
15.30 Continuación do roteiro
18.30 Volta a Compostela

A quen vai dirixido?
Roteirríos vai dirixido a toda a cidadanía, tanto aos participantes do Proxecto Ríos como aquelas persoas interesadas en coñecer o noso patrimonio fluvial. Nos roteirríos poderán participar maiores de idade ou menores acompañados dalgún familar ou responsábel.

Prazas e Preinscripcións:
As prazas para os roteiros son limitadas, ao entendermos que un grupo reducido axudará a coñecernos mellor, facilitará o achegamento á zona e causará un menor impacto no espazo visitado.
O Proxecto Ríos financiará unha parte do roteiro. O prezo deste é de 25€ e inclue o aloxamento no albergue e a cea do sábado.

Na web do Proxecto Ríos iremosvos informando dos puntos de encontro, mapas do percorrido, etc.

Se estás interesado/a en participar ponte en contacto coa coordinación do Proxecto Ríos.

Proxecto Ríos
Travesa de basquiños, 9 Baixo
15703 Santiago de Compostela

Ou ben por correo electrónico ou por teléfono:

teléfono: 616.23.80.50/981.570099