Inspección do Proxecto Ríos na UDC Imprimir E-mail
cartaz_pr_2.jpg O próximo 23 de Outubro ás 11:00h a Oficina de Medio Ambiente (OMA) da UDC, xunto coa Asociación ecoloxista ADEGA organiza unha actividade do Proxecto Ríos que consistirá na inspección do río Lagar. Esta proposta ten o obxectivo de concienciar e sensibilizar á sociedade da importancia do coidado dos nosos ríos e a necesidade, por parte de todos, da súa boa conservación. Participa e colabora no coidado dos nosos ríos a partir do coñecemento da calidade do mesmo, ¡esperámoste!

Para isto, todas as persoas voluntarias que desexen participar nesta actividade aprenderán a realizar unha inspección do estado do río Lagar, co obxectivo final de facerse responsábeis da vixianza e o coidado do mesmo. O punto de encontro será no edificio de servizos centrais de investigacións, un educador do Proxecto Ríos explicaranos brevemente ao carón do río en que consiste o proxecto e a metodoloxía, para que todos os participantes adquiran unha previa conciencia do que se vai realizar e como debe facerse. Aproveitaremos a xornada para aprender a recoñecer un bosque de ribeira e identificar macroinvertebrados para posteriormente darlle unha calidade ao río Lagar.

mais info: http://medioambienteudc.blogspot.com.es/

contacto:  

teléfono: 981 1670 00 ext 5693

< Anterior   Seguinte >
go to top