Voluntariado ambiental no río Liñares Imprimir E-mail
imagen1_1.jpgADEGA convoca unha actividade de voluntariado ambiental en colaboración coa Asociación para a Defensa do Val do Liñares, que se celebrará o sábado 16 de febreiro, dentro do proxecto de Creación dunha rede de Custodia Fluvial nas Bacías do Ulla Umia e Lérez. A actividade se desenvolverá no concello da Estrada na parroquia de Lagartóns. Podes descargar o cartaz en pdf: xornada dia16.pdf

A introdución de especies exóticas invasoras é, despois da destrución de hábitats, a ameaza máis importante na perda de biodiversidade e unha das principais causas de extinción de especies autóctonas.

ADEGA e a Asociación para a Defensa do Val do Liñares contan cunha traxectoria notable na loita e defensa do patrimonio fluvial, é por iso que organizan esta iniciativa dando á cidadanía a oportunidade de actuar fronte unha ameaza ambiental mediante iniciativas coma esta de custodia fluvial.

A actuación do sábado centrase na eliminación da especie invasora Acacia dealbata (mimosa) nas marxes do río Liñares, un espazo de importante valor ecolóxico. Para esta actividade o voluntariado contará con seguro de responsabilidade civil e de accidentes. A xornada comezará o sábado pola mañá. Tras a recepción do voluntariado e dunha pequena introducción a problemática ambiental das invasoras, comezarán os traballos de campo, para os que o voluntariado contará coa ferramenta apropiada. Haberá un descanso para a comida (gratuíta para os participantes) e unha segunda sesión de traballo durante a tarde.

As prazas son limitadas polo que é preciso inscribirse no correo: , ou nos seguintes números de tlf: 981 57 00 99 / 616 23 80 50 / 669 80 69 08

Esta actuación realizarase gracias ao financiamento do concello da Estrada.

< Anterior   Seguinte >
go to top