Crónica do XXV Curso de Formación Imprimir E-mail
img_20170506_113028.jpgO pasado sábado, 6 de maio, celebramos o curso de primavera do Proxecto Ríos, que xa vai pola súa vixésimo quinta edición, na estación de Hidrobioloxía do Encoro do Con, en Vilagarcía de Arousa. Os/as participantes fóronse acomodando ao redor das once da mañá, e un cuarto de hora máis tarde daba comezo o curso de formación cunha introdución ao proxecto ríos a cargo de Paco Bañobre e Virginia Rodríguez, que falaron sobre as actividades previstas, os materiais que se editaron a comezos de ano, o estado do proxecto ríos e o informe anual do estado de saúde dos ríos galegos 2016 presentado no mes de febreiro.
Podes ver as fotos da xornada nesta LIGAZÓN.
img_20170506_123036.jpgA continuación a compañeira de Portugal, Paola Ferreira, cometou a situación do Projeto Rios no país veciño e que forma parte da Rede Ibérica de Proxecto Ríos. Comentou as dificultades nas que se atopan na actualidade para desenvolver o proxecto e as liñas estratéxicas que asumián ao longo dos próximos meses para tentar darlle un pulo ao proxecto en Portugal, coa finalidade de fidelizar os grupos que xa están a participar e procurar financiamento para os vindeiros anos.
A continuación Ramsés Pérez e Paco Bañobre falaron sobre a problemática das especies exóticas no medio acuático facendo un percorrido polas especies máis frecuentes. Tamén se comentaron as diferentes iniciativas que dende o Proxecto Ríos e ADEGA se teñen desenvolvido para divulgar esta problemática ambiental, como a organización de actividades de eliminación de EEI, a edición de diferentes materiais como esposicións, pósteres e trípticos. Tamén se falou do proxecto de inventariado de EEI a través da plataforma biodiversidade.eu.
Ás 14:30 púxose un xantar comunitario nas instalacións da estación.
img_20170506_163120.jpgLogo da sobremesa, e xa en compañía do director da estación, Rufino Vieira, puxemos rumbo ao río Con, moi preto da estación. Alí, fixemos tres grupos para poder desenvolver a inspección con maior comodidade: un deles encabezado polo propio Rufino Vieira, outro por Ramsés Perez e o último por Paco Bañobre, cada grupo situouse nun treito, e tras introducirse na auga, foronse capturando os macroinvertebrados para posterior clasificación e observación no laboratorio.
Tras o proceso de clasificación por familias, foi Rufino Vieira o encargado de precisar, a través dunha lupa e dun proxector, as principais características propias de cada un dos exemplares, curiosidades da súa morfoloxía, hábitos e hábitats que soen frecuentar.
img_20170506_174646.jpgFinalizado o último exemplar, chegou o momento da clausura do curso. Participaron nesta xornada 33 persoas.
< Anterior   Seguinte >
go to top