mollate.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos






Resultado do Concurso do Informe do Proxecto Ríos
libelula_2.jpgXa temos gañadora para o concurso sobre o Informe do Proxecto Ríos 2013. A afortunada é Elisa González Bande, que respostou correctamente ás preguntas formuladas e resultou agraciada no sorteo realizado a semana pasada pola equipa do Proxecto Ríos. Parabéns Elisa! En breve recibirás no teu domicilio a Guía de Libélulas de Galicia da Editorial Baía. Queremos agradecer a todas as persoas que enviaron as respostas a súa participación no concurso, e desexámoslles máis sorte a próxima vez.
Descarrega o caderno de Custodia Fluvial Ulla Umia Lérez
0imagen1.jpgO proxecto de Custodia Fluvial Ulla Umia Lérez é unha iniciativa que comezou no 2010 da man de ADEGA (Asociación para a Defensa Ecolóxica de Galiza) e que contou con fondos LEADER polo FEADER, o Ministerio de Medio Ambiente, Rural e Mariño e o AGADER. Esta iniciativa desenvolveuse no Grupo de Desenvolvemento Rural 20 (GDR20) que abrangue os concellos d´A Estrada, Caldas de Reis, Catoira, Cerdedo, Cuntis, Forcarei, Moraña, Pontecesures, Portas e Valga.
Concurso do Informe do Estado de Saúde dos Ríos Galegos
libelulas.jpgO Proxecto Ríos premia o teu interese polo estado dos nosos ríos. Se lle botas un ollo ao Informe do Estado de Saúde dos Ríos Galegos de 2013, poderás contestar ás cinco preguntas que formulamos. Entre as persoas que acerten ao contestar esas cinco preguntas sortearemos a Guía de Libeliñas da Editorial Baía.
Resultados do Informe Anual 2013
informe_2013._red9.jpgO informe do estado de saúde dos ríos galegos que presenta o Proxecto Ríos establece unha fotografía do estado ecolóxico dos nosos ríos a partires das análises realizadas durante as campañas de primavera e outono polo voluntariado participante. Preséntanse os resultados das inspeccións realizadas, a metodoloxía empregada na realización do informe e as actividades máis importantes desenvolvidas durante o ano 2013. Os resultados das inspeccións realizadas polo grupos de voluntarios/as amosan que existe unha tendencia cara un estado bo dos nosos ríos. A porcentaxe de treitos con calidade deficiente se mantén como en 2012, e se corresponden cos ríos Aríns, Chanca, Mero e Limia en primavera e o Lagar, Esteiro e Limia en outono. Podes descarregar o Informe completo nesta LIGAZÓN
Informe Anual 2013 e Actividades de 2014
imagen1_3.jpgO próximo 11 de febreiro na Galería Sargadelos de Compostela ás 12:00h, o Proxecto Ríos presentará aos medios de comunicación e á sociedade en xeral o Informe do Estado de Saúde dos Ríos Galegos 2013, froito do traballo realizado polo voluntariado durante o pasado ano. Xunto co informe daremos conta tamén de todas as actividades desenvolvidas ao longo de todo o 2013.
Presentaremos tamén o calendario de actividades previstas para 2014, ano no que o Proxecto Ríos cumpre 10 anos.

10 Anos custodiando os ríos Galegos
pr_feliz_2014.jpg
O Proxecto Ríos Celebra o día Internacional do Voluntariado
vol_amb.jpgO día 5 de decembro celébrase o Día Internacional do Voluntariado. A data ten como obxectivo incentivar e valorizar o servizo voluntario en todo o mundo. Esta data foi proclamada en 1985 polas Nacións Unidas. Como participantes voluntarios no Proxecto Ríos, queremos agradecer o voso compromiso cos nosos cursos fluviais. Proxectos coma este non serían posibles sen a participación activa da cidadanía. O voluntariado é un acto social que á vez constitúe un compoñenete moi importante no desenvolvemento da vida das persoas, contribuíndo a reducir as disparidades sociais, e no caso do voluntariado ambiental para conseguir o coidado e conservación do noso medio natural. Por todo iso, GRACIAS! Podes ver unha pequena homenaxe ao voluntariado nesta LIGAZÓN.
Remata a Campaña de Outono do Proxecto Ríos
imagen1_2.jpgO 31 de outubro rematou a campaña de outono do Proxecto Ríos. Durante ese tempo o voluntariado participante saíu aos seus treitos de río para facer o estudo da calidade ecolóxica do río. A data límite para enviar os resultados das inspeccións é o 15 de novembro, pero como este outono choveu moito e seguramente moitos grupos de voluntarios non puideron saír a facer as inspeccións, ampliamos este prazo ata o día 30 de novembro. Cos resultados das vosas inspeccións elaboramos o informe anual do Estado de Saúde dos Ríos Galegos, documento que serve de recoñecemento ao traballo realizado polo voluntariado. Podedes enviar as vosas inspeccións por correo electrónico a , por correo postal: ADEGA, Travesa de Basquiños, 9 baixo, 15704 Santiago de Compostela, ou ben por fax ao 981 57 00 99.
<< Inicio < Anterior 1 2 3 4 5 6 7 8 9 10 Seguinte > Final >>

Resultados 113 - 128 de 386
go to top