mollate.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos






Resultado do Concurso do Proxecto Ríos
imagen1_3.pngVimos de facer o sorteo do Concurso do Proxecto Ríos sobre o Informe de Estado de Saúde dos Ríos Galegos. Entre todos os participantes que respostaron ben ás cinco preguntas formuladas, o agraciado foi Roberto Roget. Parabéns! En breve recibirá no seu domicilio os libros da Editorial A Nosa Terra "Augas Caídas Fervenzas de Galiza" e "Os Ríos de Galiza".
Voluntariado ambiental no río Liñares
imagen1_1.jpgADEGA convoca unha actividade de voluntariado ambiental en colaboración coa Asociación para a Defensa do Val do Liñares, que se celebrará o sábado 16 de febreiro, dentro do proxecto de Creación dunha rede de Custodia Fluvial nas Bacías do Ulla Umia e Lérez. A actividade se desenvolverá no concello da Estrada na parroquia de Lagartóns. Podes descargar o cartaz en pdf: xornada dia16.pdf

A introdución de especies exóticas invasoras é, despois da destrución de hábitats, a ameaza máis importante na perda de biodiversidade e unha das principais causas de extinción de especies autóctonas.

Concurso Informe do Estado de Saúde dos Ríos Galegos
imagen1_1.jpgO Proxecto Ríos premia o teu interese polo estado dos nosos ríos. Se lle botas un ollo ao Informe do Estado de Saúde dos Ríos Galegos de 2012, poderás contestar ás cinco preguntas que formulamos. Entre as persoas que acerten ao contestar esas cinco preguntas sortearemos dous libros da Editorial A Nosa Terra da colección Espazos Naturais. Serán os libros “Augas Caídas Fervenzas de Galiza” e “Os Ríos de Galiza”.
Informe sobre o estado de saúde dos ríos galegos en 2012
O informe do estado de saúde dos ríos galegos que presenta o Proxecto Ríos establece unha fotografía do estado ecolóxico dos nosos ríos a partires das análises realizadas polo voluntariado participante. Preséntanse os resultados das inspeccións, a metodoloxía empregada na realización do informe e as actividades máis importantes desenvolvidas durante 2012. Os resultados das inspeccións amosan que o 45% dos ríos están nun estado moi bo; o 34,5% bo; o 12,5% moderado e o 8% deficiente. Obsérvase un descenso moderado dos treitos con estado "moi bo" e "bo" respecto aos anos 2010 e 2011, que pasa dun 82% a un 80% así como un aumento dos de calidade "deficiente".
 
CalendaRío 2013
Como todos portada_calendario.jpgos anos dende o Proxecto Ríos publicamos o CalendaRío coas actividades máis salientables para este novo ano. En 2013 queremos dedicarlle un espazo ás especies exóticas invasoras que habitan nos nosos cursos fluviais para poñer o acento no perigo que supoñen estas plantas e animais para a biodiversidade. Dende o 2007 o Proxecto Ríos leva divulgando esta problemática e o voluntariado, nas súas inspeccións, realiza un inventario da presenza que estas especies teñen nos nosos ríos. Este calendario foi enviado gratuitamente a todos os participantes do Proxecto Ríos. Tamén se pode descarregar en PDF na seguinte ligazón: CalendaRio_2013.pdf.
 
"Charcas con Vida", novo proxecto que une custodia, EA e voluntariado
ddddd.jpg Custodia do territorio, educación ambiental e voluntariado ambiental únense no proxecto "Charcas con Vida" para dar a coñecer os pequenos humidais de Galiza, contribuíndo á conservación do patrimonio e da natureza. A iniciativa ten como obxectivo divulgar a importancia das charcas como espazos de alto valor patrimonial, tanto cultural como natural, e fomentar comportamentos e prácticas que axuden ao seu coñecemento e conservación. O vindeiro 2 de febreiro (Día Mundial dos Humidais) ADEGA celebrará unhas xornadas no Pazo da Cultura de Pontevedra sobre a importancia da conservación das charcas. Baixa o pdfPROGRAMA(0,7 MB).
feliz 2013
feliz_2013.jpg
O Proxecto Ríos participa no Plan Proxecta e Migranet
20121201_12.39.16_reducida.jpgO pasado sábado 1 de decembro, o Proxecto Ríos participou en diferentes congresos e xornadas.
Por unha banda asistimos como ponentes no Congreso de presentación do Plan Proxecta da Consellería de Educación. O Plan Proxecta é unha proposta para que os centros de ensino de Galiza traballen temáticas transversais co seu alumnado a través dun proxecto interdisciplinar. O Proxecto Ríos participa coa temática "Ríos". Os asistentes tiveron a oportunidade de coñecer máis de cerca os obxectivos e a metodoloxía que emprega o Proxecto Ríos, así como todas as actividades que, ao longo de todo o ano, se realizan cos grupos participantes.
<< Inicio < Anterior 1 2 3 4 5 6 7 8 9 10 Seguinte > Final >>

Resultados 145 - 160 de 386
go to top