mollate.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos






Crónica do XIX Curso de Formación do PR
img_6426.jpgFoi o pasado sábado, 26 de abril, cando celebramos o curso de primavera do Proxecto Ríos. Na estación hidrobiolóxica do río Con, en Vilagarcía de Arousa, fixemos repaso dos dez primeiros anos de andaina do proxecto. Sobre as once da mañá fóronse acomodando os participantes do encontro, e un cuarto de hora máis tarde daba inicio unha pequena introducción a cargo de Virginia Rodríguez e Paco Bañobre, que falaron do informe realizado cos datos aportados polo voluntariado ao longo destes anos e as diferenzas apreciadas desde o inicio ate agora. Tamén fixeron un anuncio das actividades programadas polo Proxecto Ríos para esta primavera.
Podes ver as fotos da xornada nesta LIGAZÓN.
Xornada Ríos e Patrimonio Mineiro
captura_cartaz_roteirrios_mineria.jpg
 A minaría foi unha das principais actividades humanas, de feito, a extracción de ouro e outros minerais supuxo probablemente a primeira industrialización de Galiza.

A extensa rede hidrográfica do noso país foi esencial para o desenvolvemento desta industria, que transformou a paisaxe, a organización territorial e mesmo a rede de comunicacións.

A xornada consistirá nunha mesa redonda na que trataremos temas relacionados coa explotación aurífera nas bacías do Lor e do Sil e o uso da minería como recurso patrimonial e turístico. Logo faremos unha actividade de demostración de bateo no río Sil e un roteiro polo Camiño Ferradal do río Soldón.

Será o sábado 10 de maio. Lugar: Casa da Cultura do Concello de Quiroga.

Podes descarregar o cartaz na seguinte ligazón: Cartaz_RoteiRios_patrominio_mineiro.pdf

Comeza a campaña de primavera 2014
foto_rio.jpgO 15 de abril dará comezo a campaña de primavera do Proxecto Ríos que se extenderá ate o 1 de xuño. Animámosvos a que saíades ao vosos treitos de río para facer as inspeccións. Acordádevos de enviar os datos obtidos ao Proxecto Ríos coa finalidade de elaborar o informe anual do estado de saúde dos ríos galegos. Os novos grupos podedes solicitar unha saída formativa no río que escolléchedes.
Recordarvos que o Curso de Formación será o día 26 de abril na Estación de Hidrobioloxía do Encoro do Con, podedes anotarvos contactando coa coordinación do Proxecto Ríos e podedes ver toda a información na nova do curso na web.
XIX Xornadas de Formación do Proxecto Ríos
captura_cartaz_curso_formacion_1.jpgO próximo sábado, día 26 de abril, terán lugar na Estación de Hidrobioloxía do Encoro do Con (Vilagarcía de Arousa), as XIX Xornadas de Formación de Coordinadores/as do Proxecto Ríos. A temática do curso desta volta será o achegamento ás redes e programas de seguimento da biodiversidade galega da man de GEAS e da plataforma www.biodiversidade.eu Aproveitaremos tamén para facer entrega do material do Proxecto Ríos aos novos grupos participantes. A sesión de tarde estará dedicada, como outros anos, ao recoñecemento dos macroinvertebrados, epecies fundamentais no noso traballo. Podes descarregar o cartaz en PDF: 
Roteirrios 2014. Roteiro polo Tambre
captura_cartaz_roteirrios_tambre_2014.jpgRoteirríos é un programa de itinerarios organizado polo Proxecto Ríos que pretende unir ríos e persoas, achegando os cursos fluviais á cidadanía nun ambiente lúdico así como dar a coñecer o seu patrimonio natural, cultural e social asociado. En 2014 imos xa pola sétima edición deste programa. O primeiro roteiro organizado será á Devesa de Nimo no río Tambre, no que aproveitaremos para coñecer máis de preto a flora nemoral que medra nos bosques de ribeira de todo o país. Teremos tempo tamén para observar aves no esteiro do Tambre. Será o sábado 12 de abril.
Podes descarregar o cartaz: Roteirrios_Tambre_2014.pdf
Flora Nemoral dos Ríos Galegos
imagen2.jpgVoltamos este ano 2014 a publicar a guía identificativa de flora nemoral dos ríos galegos, con algunha novidade en canto ás especies,  para que disfrutedes recoñecendo estas fermosas plantas. Á flora nemoral pertencen plantas que medran no sotobosque e teñen adaptada a súa fenoloxía á estacionalidade do ecosistema, florecendo antes da primavera e aproveitando a insolación que penetra entre as pólas das árbores. O Proxecto Ríos ven de realizar un folleto con dez exemplares desta flora, que enche o solo das nosas fragas de vistosas cores e agradables recendos e que vos animamos a descubrir. Podes descarregar a guía (versión para imprimir) en PDF Flora_Nemoral _2014.pdf
Novo Gardarríos
gardarrios_10_anos_copia.jpgCoincidindo coa chegada da primavera e da explosión de vida ao ríos galegos sacamos un novo Gardarríos con máis novas e seccións, que esperamos sexan do voso agrado.
No boletín presentarémosvos mensualmentre as novas máis destacadas, as vindeiras actividades, crónicas das xa realizadas ou outras cuestións de interese ligadas aos ecosistemas doceacuícolas. Esperamos contar coa vosa participación e que nos fagades chegar aquelas actividades que estades a facer dende as vosas entidades.
O Gardarríos reune por outra banda as actividades do Proxecto Ríos, porén tamén se suman as actuacións e novas de Charcas con vida. A equipa de Proxecto Ríos e Charcas con vida pareceunos de interese compartir un mesmo boletín xa que sodes moitas as persoas que seguides ambos proxectos. Como o martiño peixerio ou gardarríos, que bulen polos rios e charcas galegas dende este boletín darémosvos conta do que suceda nestes interesantes e diversos ecosistemas.
Unha vez máis animámosvos a participar e a que nos fagades chegar as vosas ideas e suxestións.
Esperamos que sexa do voso agrado.
O Proxecto Ríos participa nas xornadas da ASPEA nos Açores
cartaz_1.pngA ASPEA (Associação Portuguesa de Educação Ambiental), organiza as XXI Jornadas Pedagógicas de Educação Ambiental, na illa do Faial (Açores) entre os días 13 e 17 de marzo. Baixo o título de Dos ríos aos océanos, realizaranse diversas actividades, grupos de traballo, mesas redondas, obradoiros, etc. Proxecto Ríos foi convidado a participar neste encontro para presentar as actividades desenvolvidas polo proxecto.
A finalidade do encontro dirixido a educadores ambientais, profesorado, investigadores, etc., é promover a divulgación e estudos no eido da educación ambiental ligada aos ecosistemas acuáticos, incidir na formación e educadores ambientais e intercambiar experiencias e aprendizaxes entre os/as participantes.
<< Inicio < Anterior 1 2 3 4 5 6 7 8 9 10 Seguinte > Final >>

Resultados 97 - 112 de 379
go to top