Data de inicio:
16/10/2025
Data de finalización:
17/10/2025
Organizadores:
ADEGA, Proxecto Ríos
Categorías:
Seguimento de Micromamíferos. Desta volta queremos achegarnos ao estudo de determinados grupos de fauna. Participaremos no programa de Seguimento de Micromamíferos Comúns de España (SEMICE) promovido pola Sociedade Española para a Conservación e Estudo dos Mamíferos (SECEM).
Este seguimento consiste na colocación de trampas para capturar pequenos mamíferos aos que logo se lles realiza unha biometría e marcado para o seu rexistro. Estas accións son realizadas por G.E.A.S. (Grupo Especialista en Animais Salvaxes) que coloca as trampas e realiza o inventario. O voluntariado participante acompañará aos biólogos expertos na revisión das trampas e no marcado e medicións dos exemplares.
As actuacións desenvolveranse no concello de Rois, na aldea de Martelo e nos arredores de dous regatos: Rego de Portabre e Rego do Feal Maior.
A revisión das trampas realizarase a primeira hora da mañá para evitar danos nos individuos capturados e poder liberalos canto antes. O horario previsto será de 8:00 a 10:00, tanto o xoves 16 como o venres 17.
Para saber máis sobre o SEMICE
Para participar nesta actividade é preciso inscribirse a través do seguinte FORMULARIO
