Continuamos este ano cos Campos de Voluntariado para a eliminación de EEI no río Tea.
Será a fin de semana do 1, 2 e 3 de marzo. Realizaremos labores de seguimento da presenza de flora exótica invasora nos 3 Km de río que ten custodiados o Proxecto Ríos, eliminando manchas de Acacia dealbata, A. melanoxylon ou Phytolacca americana, entre outras. Tamén miraremos noutras zonas de traballo de anos pasados para eliminar os posibles rebrotes.
O voluntariado terá cubertos os gastos de aloxamento (Albergue Alentea), manutención, contará cun seguro de accidentes e disporá da ferramenta axeitada. As prazas son limitadas. É preciso inscribirse.
Preme máis abaixo para acceder ao formulario de inscrición. Lembra que as prazas son limitadas! (contacto de referencia para calquera dúbida: maria.amigo@adega.gal). Tlfno: 628 378 804