Proxecto Ríos. Súmate á Corrente!

Súmate á corrente do Proxecto Ríos! Este próximo venres, 24 de outubro, convidámoste a participar nunha xornada de portas abertas para coñecer o programa de voluntariado ambiental en ríos máis emblemático do país, o Proxecto Ríos. Terá lugar na aldea de Miodelo, en Bergondo, en sesión de tarde (de 16:00 a 19:00 h). Alí presentaremos as actividades e iniciativas impulsadas pola equipa ambiental que promove o proxecto e baixaremos ata o rego de Xaralleira para coñecer a contorna e facer unha inspección da súa calidade.
Velaquí o programa completo:

16:00: Encontro en Bergondo: ao carón do rego de Xaralleira, Aldea de Miodelo: https://maps.app.goo.gl/LELjMssEKw64pcDK6. Presentación do Proxecto Ríos.
17:00: Saída de campo pola contorna e inspección no río Xaralleria.
18:30: Entrega do cartel de entidade colaboradora co Proxecto Ríos da Asociación Recreativa, Cultural e Deportiva Ría do Pedrido.
19:00: Remate a actividade.

Anímaste? #SúmateáCorrente! Podes inscribirte AQUÍ.