banner_limpeza_web_pr.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos Dixital






Informe do Estado de Saúde dos Ríos Galegos 2016
informe_2015.jpgO mércores 22 de febreiro, o Proxecto Ríos presentará o informe anual do estado de saude dos ríos galegos. No informe establecese unha fotografía do estado ecolóxico dos nosos ríos a partir das análises realizadas durante as campañas de primavera e outono polo voluntariado participante no Proxecto Ríos. Preséntanse os resultados das inspeccións realizadas, e as actividades máis importantes desenvolvidas durante o ano 2016, así como o CalendaRío 2017 coas actividades máis destacadas deste novo ano. Será na Libraría Couceiro en Santiago de Compostela ás 12:00 h.
CalendaRío 2017
captura_calendario.pngApresentamos o CalendaRío de actividades do Proxecto Ríos para 2017. Nel poderedes ver todas as actividades que temos programadas para este ano, das que daremos cumprida conta na web e no boletín mensual Gardarríos. Este ano adicamos o CalendaRío ás actividades que podemos facer para disfrutar dos nosos ríos: "Ríos para Vivir". Podedes descarregar o Calendario nesta ligazón: CalendaRio_2017
Feliz 2017
pr_feliz_2017.jpg
Crónica do Roteirríos polo Río Mao
img_20161023_113327.jpgO domingo 23 de outubro desenvolveuse o Roteirríos de outono de 2016. Inicialmente estaba previsto realizar unha ruta polo río Requeixo en Manzaneda, mais a previsión do tempo non era moi boa polo que nos decantamos en facer un itinerario polo canón do río Mao, afluente do Sil na comarca de Trives.
É o canón do Mao unha impresionante paraxe onde conflúen natureza, etnografía, prehistoria e patrimonio arquitectónico industrial.
Pódense ver as fotos da xornada AQUI
 
Remata a campaña de outono do Proxecto Ríos
foto_inspeccion_chaian.jpgA campaña de outono 2016 do Proxecto Ríos rematou o día 1 de novembro. Coa finalidade de elaborar o informe anual do estado de saúde dos ríos galegos, pedímosvos que nos enviedes os resultados das vosas inspeccións. Podedes facelo a través do Xeovisor introducindo directamente os resultados na web; por correo electrónico a ou ben por correo postal a: Travesa de Basquiños, 9 baixo 15704 Santiago de Compostela. Ata o día 30 deste mes de novembro poderedes facer o envío das inspeccións. Se non tedes o voso usuario e contrasinal enviade un correo á coordinación do proxecto para obtelo. Gracias pola vosa participación e compromiso cos nosos ríos.
Roteirríos polo río Requeixo, Manzaneda
imagen_sin_ttulo_1.pngO día 23 de outubro teremos o segundo Roteirriíos deste ano 2016. Desta volta faremos un percurso polo río Requeixo no Macizo Central Ourensán en Manzaneda. Roteirríos é un programa de itinerarios organizado polo Proxecto Ríos que pretende unir ríos e persoas, achegando os cursos fluviais á cidadanía nun ambiente lúdico e dando a coñecer o seu patrimonio natural, cultural e social.
Podes descarregar o Cartaz_Roteirrios_Requeixo.pdf
Crónica do XXIV Curso de Formación
img_3085.jpgO pasado sábado, 1 de outubro, celebramos o curso de outono do Proxecto Ríos, que xa vai pola súa vixésimo cuarta edición, na estación de Hidrobioloxía do Encoro do Con, en Vilagarcía de Arousa. Os/as participantes fóronse acomodando ao redor das once da mañá, e un cuarto de hora máis tarde daba comezo o curso de formación cunha pequena introdución ao proxecto ríos de cargo de Paco Bañobre, que falou sobre as actividades previstas para o último trimestre deste ano 2016 e daquelas actividades desenvolvidas durante os meses anteriores. Podes ver as fotos da xornada nesta LIGAZÓN.
Resultados da IX Limpeza Simultánea de Ríos
img_20161002_132614_red.jpgFomos novamente moitas as persoas as que nos mollamos polos ríos na IX Limpeza simultánea. Houbo grupos grandes e pequenos, de nenos e nenas e de maiores. Limpáronse grandes ríos e tamén pequenos regatos, pero todas e todos tiñamos o mesmo obxectivo: coidar os nosos ríos e concienciar á sociedade da necesidade de que estean ben conservados. Recolléronse refugallos de todo tipo, e coma sempre abundaron os plásticos (botellas, garrafas, bolsas, sacos...). Apareceron tamén rodas de automóbiles, cristais, colchóns, radiocasetes, restos de coches, pilas, electrodomésticos, extintores. As toalliñas húmidas foron do lixo máis abundante. Apareceu tamén algunha uralita, roupa, calzado, colchóns...
Pódese consultar a Memoria Final e o Álbum de Fotos da Xornada na Web da Limpeza.
Pódense descarregar os resultados definitivos: Resultados_Limpeza_2016.pdf
Queremos homenaxear aos centos de voluntarios e voluntarias que participaron nesta nova convocatoria de limpeza de ríos con este vídeo:
captura_video_limpeza.png 
 
<< Inicio < Anterior 1 2 3 4 5 6 7 8 9 10 Seguinte > Final >>

Resultados 1 - 16 de 366
go to top