banner_limpeza_web_pr.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos Dixital






Conclusións VIII Seminario de Voluntariado en Ríos
viii_seminariodespedida_del_grupo_tcm7333973.pngO pasado 26, 27 e 28 de maio de 2014 desenvolveuse en Murcia o VIII Seminario Permanente sobre Voluntariado para a Conservación da Biodiversidade en Ríos e Ribeiras. Estes seminarios teñen como obxectivo divulgar e compartir as experiencias que, dende as diferentes confederacións hidrográficas, se realizan para a conservación dos ríos do Estado Español. Unha parte moi importante destas actividades están promovidas por entidades de acción voluntaria como o Proxecto Ríos ou ADEGA. Xa se poden consultar as actas das xornadas.
 
 
 
Festa 10 Anos do Proxecto Ríos
captura_cartaz.pngEste ano 2014 o Proxecto Ríos cumpre dez anos.
  O 29 de xuño de 2014 queremos celebrar o décimo aniversario convosco, e para iso temos organizada a Festa dos 10 Anos do Proxecto Ríos ao carón do río Tambre na área recreativa de Tapia. A celebración durará todo o día, e teremos actividades ambientais e culturais, haberá música e tamén ofreceremos café e sobremesa. Estades, polo tanto, convidados e convidadas a compartir esta festa dos ríos e polos nosos ríos. 
Vémonos o domingo 29 de xuño!
 
Podedes descarregar o Cartaz_Festa_Rios.pdf  e o programa da xornada programa festa.pdf (349.56 KB).
Remata a Camapaña de Primavera do Proxect Ríos
049_separacion_en_placas_macroinvertevrados_reducida.jpgA campaña de primavera do Proxecto Ríos rematou o pasado día 1 de xuño. Coa finalidade de elaborar o informe anual do estado de saúde dos ríos galegos, pedímosvos que nos enviedes os resultados das vosas inspeccións por correo electrónico a ou ben por correo postal a: Travesa de Basquiños, 9 baixo 15704 Santiago de Compostela. Ata o día 30 deste mes de xuño poderedes facer o envío das inspeccións.
Se tedes o voso usuario e contrasinal podedes tamén subir os resultados á aplicación web do Proxecto Ríos. De todas formas enviade igualmente os datos. Gracias pola vosa participación e compromiso cos nosos ríos.
Crónica do IX Campo do Río Tea
img_7855.jpgDurante a pasada fin de semana, do venres 30 de maio ao domingo 1 de xuño, continuaron as actividades deste proxecto que ADEGA e o Proxecto Ríos levou a cabo a través do Programa de Voluntariado en Ríos, do Ministerio de Agricultura, Alimentación e Medio Ambiente –MAGRAMA– dende o ano 2007. Este ano 2014 voltamos a contar coa colaboración da Confederación Hidrográfica do Miño-Sil. Como noutras veces, o voluntariado contou coa ferramenta axeitada para a realización das actividades de eliminación, un seguro de responsabilidade civil e accidentes colectivos, o aloxamento, manutención e actividades complementarias como un roteiro polo río Alén que serviu para coñecer máis de cerca os valores naturais que alberga a conca do río Tea. Podes ver as fotos do IX Campo do Tea no Album de Google+
Crónica da Xornada Ríos e Patrimonio Mineiro

dsc_6272.jpgQuiroga foi o lugar escollido pola súa riqueza mineira e todo o que iso abrangue. O pasado dez de maio desenvolveuse nesta vila, ao pé do Courel, unha xornada centrada na minería ao longo da historia. A través de diferentes expertos na materia coñecemos o que supuxo e supón para estas terras esta actividade e o gran legado que foi deixando ate os nosos días.

Reunidos na Casa da Cultura, a presentación e inauguración da xornada correu a cargo de Virgina Rodríguez, Coordinadora do Proxecto Ríos, Alberto de Anta, da Confederación Hidrográfica Miño – Sil e Julio Álvarez, Alcalde de Quiroga. Os tres salientaron a necesidade da participación da cidadanía na conservación dos nosos ríos e agradeceron aos participantes a súa asistencia.

Podes ver as fotos da xornada na seguinte LIGAZÓN

IX Campo de Voluntariado Ambiental do Río Tea
eliminar_mimosa_20.jpgEstamos preparando o próximo campo de voluntariado ambiental no río Tea. Será o 30, 31 de maio e 1 de xuño, e dará continuidade aos campos de voluntariado que levan celebrándose dende o 2007. Durante este tempo temos actuado sobre diferentes especies de invasoras na ribeira do río Tea grazas a axuda de voluntarios e voluntarias. Para a realización destes IX Campos de Voluntariado contamos co financiamento da Confederación Hidrográfica Miño-Sil.
Crónica do XIX Curso de Formación do PR
img_6426.jpgFoi o pasado sábado, 26 de abril, cando celebramos o curso de primavera do Proxecto Ríos. Na estación hidrobiolóxica do río Con, en Vilagarcía de Arousa, fixemos repaso dos dez primeiros anos de andaina do proxecto. Sobre as once da mañá fóronse acomodando os participantes do encontro, e un cuarto de hora máis tarde daba inicio unha pequena introducción a cargo de Virginia Rodríguez e Paco Bañobre, que falaron do informe realizado cos datos aportados polo voluntariado ao longo destes anos e as diferenzas apreciadas desde o inicio ate agora. Tamén fixeron un anuncio das actividades programadas polo Proxecto Ríos para esta primavera.
Podes ver as fotos da xornada nesta LIGAZÓN.
Xornada Ríos e Patrimonio Mineiro
captura_cartaz_roteirrios_mineria.jpg
 A minaría foi unha das principais actividades humanas, de feito, a extracción de ouro e outros minerais supuxo probablemente a primeira industrialización de Galiza.

A extensa rede hidrográfica do noso país foi esencial para o desenvolvemento desta industria, que transformou a paisaxe, a organización territorial e mesmo a rede de comunicacións.

A xornada consistirá nunha mesa redonda na que trataremos temas relacionados coa explotación aurífera nas bacías do Lor e do Sil e o uso da minería como recurso patrimonial e turístico. Logo faremos unha actividade de demostración de bateo no río Sil e un roteiro polo Camiño Ferradal do río Soldón.

Será o sábado 10 de maio. Lugar: Casa da Cultura do Concello de Quiroga.

Podes descarregar o cartaz na seguinte ligazón: Cartaz_RoteiRios_patrominio_mineiro.pdf

<< Inicio < Anterior 1 2 3 4 5 6 7 8 9 10 Seguinte > Final >>

Resultados 81 - 96 de 369
go to top